EUROPA UN SPRAKRECHTE: wi möten 2004 hanneln!

Dat Johr 2004 schall dat Vergrötern vun de Europäsche Union sehen, un ok de Europäsche Wahlen. Man dat Sprakproblem blifft unlöst, verstickt achter de Pseudomultilingualismus de de dree starksten Spraken bevoordeelt. Daher riskeert wi 'n Spraakhägemoni, un letztends man bloots een Sprak de uns updwungen ward, wat 'n stark negativen Effekt up de linguistisch un kulturell Diversität vun Europa hätt. Darüm ünnerstützen de Esperantisten, un anner Lüüd, de Gebruuk vun 'ne gemeensam (nich eenzig) neutral Lingua Franca, wat de glieken Respekt to alln Spraken verloobt, un Effektivität vör de Europäsch Demokratie.

So ward 'n Europa-wiede Demo vör Sprakdemokratie in Europa organiseert. Dat Hööftteel vun düsse Akschoon is so völ Nipp för 't Sprakproblem in Europa to bekamen as 't geiht, besünners dör de Medien... and villicht de Politikers in Akschon to ropen. Üm an dat Teel hentokamen, möten wi so veele as 't geiht sien, un vun so veelen Kulturen as mööglich, üm 'n richtig Utwirken to hebben. Düsse Idee kummt vun Esperantisten, un all Esperantokrings in Europa hölpen, mang anner Lüüd, dat in se ehrn Regionen und Lannen bekannttomaken.

De Nam vun de Demo, EUROPA BUNTO, heet "Europäsch Kaleidoskop". Dat meent de fierlich Siet vun düsse bunte Demo för linguistisch Diversität.

Düsse Demo bringt tohoop:

• all Krings de mit dat Verdeffendeern vun Kulturen un Spraken för 'n Respekt vun linguistisch Diversität to doon hett;
• all Esperantokrings in Europa;
• un all anner Lüüd de besorgt, bewüßt un interesseert in düsse linguistisch Siet vun Europa sünd.

Ort: Stratborg / Straßburg (Frankriek), bi dat Europäsch Parlament un de Europarat.

Datum: Sünndag 9. Mai 2004 (Europa Dag)

Form: frie Wahl vun 'n Sprak vör Bannerolen; frie Wahl vun 'n Banneroleninhalt (mit Respekt vör de Minschen- un Europäschbörgerrechten)

Informationsdeenst: Presskonferenz mit glieker Representation vun jede Sprak; Trechtstellen vun 'n Översettdeenst vör jede Sprak de darbi is

INHALT VUN DÜSSE WEBSTEE

Prezento (Präsentaschoon): allgemeen Präsentaschoon vun de Demo un de Stee, in völen Europäsch Spraken (Dank ok vörweg wennst düsse Siet in Dien Sprak översetten kunnst, oder dat better as ick up Platt schreven kunnst: schick Dien Översetten to europa.bunto@eraro.com).

Partneraj asocioj (Partnerkrings): List vun alln Krings (mit 'n Verwies to ehr Webstee, man se een hett) de offiziell toseggt hett mittomaken.

Kunveturado (tohoop fahrn): List vun Botten un Verlett to 'n mitfahrn na Stratborg.

Sloganoj & materialo (Spröök & Material): List vun Ideen för Spröök un Bannerolen för de Demo.

Dissendolisto (Verdeellist): Diskuschoonlist för Demoorganisaschoon; se ehr Arbeedssprak is Esperanto un Du kannst se abonneern wennst 'n leern Email to europa-2004-subscribe@yahoogroupes.fr schicken doost.

Kontakto (Kontakt): Kontaktdetails för Fragen an de Demoorganisaschoon ("organizantoj") oder an de verantwoorden Sekretär ("sekretario") oder to 'n Schicken vun Dien Botten un Vörslaag (tohoop fahrn, Spröök usw.) oder Dien Översetten an de Webmester ("TTT-estro").

Ligoj (Verwiesen): 'n paar Verwiesen de mit Europa un Sprak to doon hett.

(tradukis platdiĉen : Daniel Pfeiffer)