EURÒPA ET DREITS LINGUISTICS : cal agir en 2004 !

En 2004, l'Union Europenca s'agrandirá e aquò será egalament l'occasion de las eleccions europencas. Çaquelá, le probleme linguistic demòra non solvat, mas amagat per un pseudo-multilingüisme en favor solament de las tres lengas las mai poderosas. D'aquèl fach, risquem d'anar endevers una hegemonia linguistica, e finalament una lenga unica que botirá gravament en dangièr la diversitat linguistica e culturala d'Euròpa. Es per aquò que notadament les esperantistas jostenhon le principi d'una lenga-pont comuna (e non pas unica) neutra que permetriá un respecte egalitari de totas las lengas e l'efficacitat per la democracia europenca.

Es dins aquèla tòca que s'organisa una manifestacion a l'escala europenca per la democracia linguistica en Euròpa. L'objectiu principal d'aquèla accion será de far parlar de la faiçon la mai larga possibla (entre autris per las medias) dels aspectes linguistics d'Euròpa per aital far prene consciença al public d'aquèl problèma... e finalament benlèu far bolegar les responsables politics sus aquèl sicut. Per atenher aquèl objectiu, devem estar sufisament nombroses e diverses per aver una reala efficacitat. Les esperantistas son a l'iniciativea d'aquèla manifestacion e totas las associacions d'esperanto en Euròpa se cargaron d'informar dins lors regions o paises respectius sul sicut d'aquèla accion.

Le nom de la manifestacion EUROPA BUNTO vòl diser "bigaradura europenca". Indica le costat festiu d'aquèla manifestacion multicolora sus la diversitat linguistica.

Aquèla manifestacion amassará doncas :

• totas las associacions que s'occupon de la defensa o de la promocion de lenga(s) et de cultura(s) pel respecte de la diversitat linguistic ;
• totas las associacions europencas d'esperanto ;
• e totas las autras personas concernadas, conscientas e interessadas per aquèl aspecte linguistic d'Euròpa.

Lòc : Estrasborga (França), prep del Parlament Europenc e del Conselh d'Euròpa

Data : Dimenge 9 mai 2004 (Jornada d'Euròpa)

Forma : Liura causida de la lenga per las banderòlas ; liure contengut de las banderòlas (dins le respecte de la declaracion dels dreits de l'òmi et del ciutadan europenc)

Servici d'informacion : Conferencia de premsa ambe egalitat de representacion de cada lenga ; mesa a dispausicion d'un servici de revirada per totas las lengas representadas

CONTENGUT DEL SITI

Prezento (presentacion) : presentacion generala de la manifestacion e del siti dins maites lengas europencas (mercès d'avança de nos ajudar a revirar aquèla pagina dins la vòstra lenga : mandatz la vòstra revirada a europa.bunto@eraro.com)

Partneraj asocioj (associacions partenarias) : lista de totas las associacions (ambe mencion del sèu siti, se n'i a) qu'annoncèron la sieuna participacion officiala a la manifestacion

Kunveturado (coveituratge) : lista des prepausicions e demandas de coveituratge per anar a la manifestacion d'Estrasborga

Sloganoj & materialo (eslogans & material) : lista de las ideias d'eslogans et banderòlas per la manifestacion, e autras capta-l'uèlhs

Dissendolisto (lista de diffusion) : lista de discutidas pels organisators de la manifestacion ; la sieuna lenga de trabalh principala es l'esperanto e vos podetz abonar a n-aquèla lista en mandant un messatge voide a europa-2004-subscribe@yahoogroupes.fr

Kontakto (contacte) : coordonnadas per pausar questions als organisators ("organizantoj") o al secretari responsable de la manifestacion ("sekretario"), o per mandar las vòstras prepausicions (coveituratge, eslogans, etc.) o las vòstras reviradas al responsable del siti ("TTT-estro")

Ligoj (ligams) : unes ligams en rapport ambe Euròpa e las lengas

(tradukis okcitanen : Daniel Pfeiffer)