EROPA ET DRÊTS LINGUISTICOS : fôt agir en 2004 !

En 2004, l'Union Eropèèna vint ples granta et avouéc y at les èlèccions eropèènes. Tot de mémo, lo problèmo linguistico trove p'oncor de solucion, mas il est cachiê per una fôssa variètât de lengoues que favorise solament les três lengoues les ples pouessientes. D'ense, on risque d'alar vers una dominacion linguistica, et finalament una lengoua solèta que metrat en grâvo dangiér la divèrsitât de lengoues et de cultures de l'Eropa. Vê-que porquè los èspèrantistos avouéc sotegnont lo principo d'una lengoua-pont comena (et nan pas unica) netra, que pèrmetrêt un rèspèct de l'ègalitât de totes les lengoues por fâre fonccionar la dèmocracia eropèèna.

Vê-que cen que vise l'organisacion d'una manifèstacion dens tota l'Eropa por la dèmocracia linguistica dens l'Union. Ceta accion vôt surtot fâre prègiér des fôrmes de lengoues de l'Eropa, de la façon la ples lârge possibla (permié lor dens tota la prèssa), por que tot lo mondo pregne conscience de ceti problèmo… et a la fin pôt-étre fâre rebugiér los rèsponsâblos politicos dens ceti afâre. Por aventar ceti objèctif, nos devens étre lo ples grant nombro et de totes les colors por la mèlyore èficacitât. Ceta iniciativa vint des èspèrantistos et de totes les associacions d'èspèranto en Eropa, que vont sè chargiér d'enformar dens lors règions ou payis por cen qu'est de ceta accion.

Lo nom de la manifèstacion EUROPA BUNTO vôt dére "tot plen de colors dens l'Eropa". Cen montre lo biès de féta por ceta manifèstacion colorâye sur la divèrsitât linguistica.

Ceta manifèstacion rassemble donc :

• totes les associacions eropèènes d'èspèranto ;
• totes les associacions que dèfendont ou encorajont les lengoues et les cultures por rèspèctar la divèrsitât linguistica ;
• et totes les ôtros pèrsones que sont tochiêes, conscientes et entèrèssiêes per ceta situacion linguistica de l'Eropa.

L'endrêt : a Strasbôrg (France), prés du Parlement Eropèen et du Consèly de l'Eropa

Lo jorn : la demenge 9 de mê 2004 (Jornâ de l'Eropa)

La fôrma : on pôt prendre totes les lengoues por les baniéres, on pôt ècrire tot cen qu'on vôt (avouéc lo rèspèct de la dècllaracion des drêts de l'homo et du citoyen eropèen)

Lo sèrviço d'enformacion : confèrence de prèssa avouéc l'ègalitât por representar châque lengoua : on balyerat un sèrvicio de traduccion por totes les lengoues que seront ique

CEN QU'Y AT DENS LO SETO

Prezento (presentacion) : presentacion gènèrala de la manifèstacion et du seto dens plusiors lengoues eropèenes (grant-marci se vos édâd a traduire ceta pâge dens voutra lengoua : envoyéd voutra traduccion a europa.bunto@eraro.com)

Partneraj asocioj (associacions que pregnont pârt avouéc) : lista de totes les associacions (avouéc la mencion de lor seto, se y en at) qu'ont anonciê lor participacion oficièla a la manifèstacion

Kunveturado (conveyâjo) : lista des proposicions et demandes de conveyâjo por alar a la manisfèstacion de Strasbôrg

Sloganoj & materialo (formules & matèrièl) : lista des idês de formules et baniéres por la manifèstacion, et ôtros moyens d'acrochiér

Dissendolisto (lista de difusion) : lista de discussion por les organisators de la manifèstacion ; sa premiére lengoua de travâly est l'èspèranto et vos pouede vos abonar a ceta lista, envoyé d un mèssâjo vouedo a europa-2004-subscribe@yahoogroupes.fr

Kontakto (contact) : noms et adrèces por posar des quèstions ux organisators ("organizantoj") ou u secrètèro qu'est rèsponsâblo de la manisfèstacion ("sekretario"), ou pour envoyer vos propositions (covoiturage, slogans, etc.) ou por envoyér voutres proposicions (conveyâjo, formules, etc.) ou voutres traduccions u rèsponsâblo du seto ("TTT-estro")

Ligoj (lims) : quârques lims en rapôrt avouéc l'Eropa et les lengoues

(tradukis francprovencen : Dominique Stich)