AUROPA È DRITTI LINGUISTICHI : ci tocca ad agiscia in 2004 !

In 2004, l'Unioni Auropeana s'hà da acrescia, è sarà dinò u momentu di l'alizzioni auropeani. Inveci u problema linguisticu ùn hè ancu chjarificatu, ma attuffatu da un falzu multilinguismu à prò dii trè lingui duminanti. Da ssu fattu, u risicu saria d'andà versu una supranianza linguistica, è finalamenti una lingua unica chì saria una minaccia pà a supranianza linguistica, è finalamenti una lingua unica chì saria una minaccia pà a diversità linguistica è culturali di l'Auropa. Hè par quissa chì l'Esperantisti sustenini a dea d'una lingua-leia cumuna (ma micca unica) neutra chì pirmittaria u rispettu equalitariu di tutti i lingui è l'efficacità pà a dimucrazia auropeana.

Hè par quissa chì una manifestazioni veni urganizita à liveddu auropeanu pà a dimucrazia linguistica. U scopu principali saria di fà parlà di a manera à più larga (è trà altri, in i media) di l'aspetti linguistichi di l'Auropa, par dà cuscenza ad ugnunu di ssu problema... è forsa fà chì i rispunsevuli pulitichi si muvissini di più di pettu à u sughjettu ! Par riescia, ci tocca ad essa abbastanza numarosi è diversi, par essa efficaci. L'esperantisti sò à l'iniziu di ssa manifestazioni è tutti l'associ d'esperanto piddarani in caricà l'infurmazioni in i so proprii lochi è paesi à prupositu di ss' azzioni.

U nomu di a manifestazioni EUROPA BUNTO significhighja "Mischiatura auropeana". Metti in avanzu u sensu festivu di ssa manifestazioni culurita à prò di a diversità culturali.

Ssa manifestazioni accddarà dunqua :

Locu : Strasbourg (Francia), vicinu à u Parlamentu Auropeanu è u Cunsigliu di l'Auropa

Data : Duminica, u 9 di Maghju 2004 (ghjurnata di l'Auropa)

Forma : Scelta libara di a lingua pà i banderi ; cuntinutu libaru di i banderi (in rispettu di a dichjarazioni di i dritti di l'omu è di u citadinu auropeanu)

Sirviziu d'infurmazioni : Cunfarenza di stampa incù ugualità di raprisintazioni d'ugni lingua ; missa à disposizioni d'un sirviziu di traduzioni par tutti i lingui raprisintati

 

CUNTINUTU DI U SITU

Prezento (prisintazioni) : prisintazioni generali di a manifestazioni è di u situ in parechji lingui auropeani

Partneraj asocioj (associ acquistati) : lista di l'associ (vinarà mintuvatu ugni situ web, s'iddu asisti) chì ani annunciatu a so participazioni ufficiali à a manifestazioni

Kunveturado (cu-vitturà) : lista di i prupusizioni è dumandi di cu-vitturà par andà à a manifestazioni di Strasbourg

Sloganoj & materialo (slogan & matiriali) : lista d'idei di slogan è banderi pà a manifestazioni, ed altri missaghji

Dissendolisto (lista di diffusioni) : lista di discussioni pà l'urganisatori di a manifestazioni ; a so lingua prinicpali di travaddu hè l'esperanto è vi puddeti arrugà à ssa lista mandentu un missaghju biotu à europa-2004-subscribe@yahoogroupes.fr

Kontakto (cuntatti) : rifarenzi par pona quistioni à l'urganisatori ("organizantoj") o à u sicritariu rispunsevuli di a manifestazioni ("sekretario"), o par mandà i vosci prupusizioni (vitturà, slogan, ecc) o i vosci traduzioni à u  webmaestru ("TTT-estro")

Ligoj (ligami) : eccu unipochi di ligami in rapportu incù l'Auropa è i lingui


(tradukis korsiken : Petru Ciabrini)

Hejmo