EUROPA Y DERECHOS LLINGÜISTICOS : ¡tenemos que nos movilizar por ellos en 2004!

En 2004, la Unión Europea va ampliase y van celebrase tamién les eleiciones europees. Sicasí, el problema llingüísticu va quedar ensin iguar y tapecíu con un seudo-multillingüismu en favor namái de les 3 llingües más poderoses. Por causa d’ello, corremos el riesgu d’afitar una hexemonía llingüística, y tamién una llingua única que va poner en peligru dafechu la bayura llingüística y cultural d’Europa. Esta ye la razón pola que los esperantistes sofiten el principiu d’una llingua ponte común neutra (y non única) qu’abriría camín a un respetu igualitariu de toles llingües y que fadría granible la democracia europea.

Ye con esti envís col que s’entama una manifestación a escala europea pola democracia llingüística n’Europa. L’oxetivu principal d’esta aición ye favorecer un discutiniu grande (sobre manera al traviés de los medios de comunicación) sobre los aspeutos llingüísticos d’Europa pa que la opinión pública tome conciencia d’esti problema... y llograr quiciabes asina que los responsables políticos actúen. P’algamar esti oxetivu vamos tener que ser permunchos y diversos pa poder valir de verdá. Los esperantistes tomaron el determín d’entamar esta manifestación y toles asociaciones d’esperantu n’Europa van encargase d’informar nes sos respeutives rexones o países sobre esta aición.

El nome de la manifestación EUROPA BUNTO significa "Europa multicolor". Esto amuésanos el calter festexeru d’esta manifestación multicolor sobre la diversidá llingüística.

Nesta manifestación van tar presentes:

• toles asociaciones europees d’esperantu;
• toles asociaciones que s’ocupen de la defensa o de la promoción de llingüe(s) y de culture(s) pal respetu de la diversidá llingüística;
• y toles demás persones enfotaes nello, que son conscientes y tán interesaes por esti aspeutu llingüísticu d’Europa.

Sitiu: Estrasburgu (Francia), xunto al Parllamentu Européo y al Conseyu de Europa

Fecha: Domingu 9 de mayu de 2004 (Día d'Europa)

Aspeutos organizativos: Escoyeta llibre de la llingua nes banderoles y pancartes; conteníu llibre de les banderoles (respetando la declaración de los derechos humanos y de la ciudadanía europea)

Serviciu d'información: Conferencia de prensa con igualdá de representación de cada llingua; va ponese a disposición de toles llingües representaes un serviciu de traducción

CONTENÍU DE LA PÁXINA WEB

Prezento (presentación): presentación xeneral de la manifestación y de la páxina web en munches llingües europees (agradecemos de mano la to aidanza pa traducir esta páxina na to llingua: unvia la traducción a europa.bunto@eraro.com)

Partneraj asocioj (asociaciones participantes): llista de toles asociaciones (inxertando de la so páxina web, si la tienen) qu’anunciaron la so participación oficial na manifestación

Kunveturado (viaxes en grupu): llista de les proposiciones y pidimientos de viaxes en grupu pa dir a la manifestación d’Estrasburgu

Sloganoj & materialo (eslóganes & material): llista d’idees pa los eslóganes y de banderoles pa la manifestación, y d’otros elementos

Dissendolisto (llista d’espardimientu): llista de discutiniu pa los organizadores de la manifestación; la so llingua de trabayu principal ye l’esperantu y podéis ser miembros d’esta llista unviando un mensaxe vaciu a europa-2004-subscribe@yahoogroupes.fr

Kontakto (contautu): pue contautase colos organizadores ("organizantoj") o col secretariáu responsable de la manifestación ("sekretario"); tamién se puen unviar proposiciones (viaxes en grupu, eslóganes, etc.) o traducciones al responsable de la páxina web ("TTT-estro")

Ligoj (enllaces): dellos enllaces rellacionaos con Europa y les llingües

(tradukis asturen : Academia de Llingua Asturiana)