|
sebastien
erhard x antolatzailea
«Batez
ere, esperantoaren aldeko taldeak mugitu
dira»
edu
Lartzanguren
Sebastien Erhard
Bretainiako esperantista izan da Estrasburgoko
manifestazioaren koordinatzaile nagusia.
Manifestazioaren helburuen inguruan mintzatu
da berriarekin,
eta etorkizunean ildo berean egitekoak diren
ekimenetaz.
Manifestazioa
egin duzue Europako erakundeen bihotzean,
baita hizkuntza minorizatuak gogor zapaltzen
dituen Frantziako hiri batean.
Izan ere, beharbada
Frantziako Gobernuak frantsesa ez diren
hizkuntzekiko duen itxikeria izan da manifestazio
honen deialdia Bretainiatik etortzeko arrazoi
nagusia. Halere, diskriminazioa eta hegemoniaren
aurkako manifestazio honetarako gehien mobilizatu
diren erakundeak esperantoaren inguruko
taldeak izan dira.
Nola
uztartu dute taldeok hizkuntz pluraltasuna
eta esperantoaren defentsa?
Esperantoaren
inguruko jendeak bi motibazio izaten ditu:
alde batetik nazioen arteko bizikidetzaz
eta bakeaz kezkatzen direnak, eta, bestalde,
beren ama hizkuntza defendatu nahi dituztenak,
bretoidunak eta frantsesdunak, esaterako.
Protestaren zioa ez zen, ordea, hizkuntza
batzuk bereziki babestea, baizik eta hizkuntza
pluraltasuna orokorrean.
Zein
eginkizun ikusten diozue Esperantoari Europako
Batasunean?
Norberaren hizkuntzaren
ondoan, bigarren edo hirugarren hizkuntza
bezala ikusten dugu. Europako Batasuneko
erakundeetan eginkizun erabakigarria izateko
ahalmena luke. Erakundeek 11 hizkuntzekin
funtzionatzeko zailtasun izugarriak dituzte.
Esperantoa komunikazio bektore aproposa
izan daiteke, zalantzarik gabe.
Etorkizunerako
beste ekintzarik egitea aurreikusi duzue?
Galdeketa egin
genuen manifestazioan, eta eskaeron alde
mugitzen jarraitzeko gogoa izan zen emaitza
nagusia. Litekeena da Europa osoan manifestazio
dezentralizatuak egitea hurrengoan.
|
