|
europako
batasuna
Hizkuntzen
arteko diskriminazioa salatu dute Estrasburgon
Europa
osoko ehunka pertsona bildu dira Legebiltzarraren
ondoan
ERREDAKZIOA
Eguraldi txarrari
aurre eginik, Europako hainbat bazterretik
joandako 300 bat manifestarik zabalkundearen
Europa berrian hizkuntzen arteko diskriminaziorik
eta hizkuntza hegemoniarik izan ez dadin
eskatu zuten igandean.
Europako Legebiltzarraren
eta Europako Kontseiluaren egoitzen aurrean
bildu ziren manifestariak. Deialdia Bretainiako
esperanto elkartearena izan zen. Europa
ekialdera zabalduta, «hizkuntza arazoak
konpondu gabe» jarraitzen duela argudiatzen
dute antolatzaileek, eta erakundeek «hizkuntza
sasipluraltasunaren mozorropean hiru hizkuntza
nagusien aldeko (alemaniera, frantsesa eta
ingelesera) egin asmo dutela» salatu
dute.Bretainia, Okzitania, Flandes, Gales,
Eskozia eta Alemaniako jendea izan zen Altsaziako
Estrasburgo hirian Europa zaharra ordezkatzen.
Europako hegoaldeko herrialdeetako ordezkaritza
murritzagoa izan zen, baina Euskal Herriko,
Portugal eta Galiziako esperantoaren inguruko
elkarteek sostengua agertu zioten protestaldiari.
Batasunean sartu berri diren hainbat estatuko
jendea ere bazen, besteak beste, Poloniakoak,
Hungariakoak eta Esloveniakoak. EBn 2007an
sartzeko asmoa duen Bulgariako ordezkaritza
ere izan zen.
Eztabaida
bultzatzea
Europa Bunto (Europa
Koloretsua) zen manifestazioaren leloa.
Europan «hizkuntzen demokrazia»
ezartzeko eztabaida sortzea zen helburua.
Horretarako, esperantoren inguruko elkarte
guztiak eta hizkuntzen defentsaz eta sustapenaz
arduratzen diren talde zein gizabanakoak
elkartu asmo zituzten.
Europarren arreta
bereganatzeko, protestaldiak ahalik eta
zabalena izan behar zuela agertu zuten antolatzaileek,
arduradun politikoengana heltzekotan. Zubi
gisa lan egingo duen hizkuntza gisa proposatu
zuten esperantoa, ingelesaren aurrean nazioarteko erakundeetako
de factoko lingua
franca «neutraltasuna»
ordezkatzen duela argudiatuta.
|
